Aks Khushbu hun Bikharnay Se na Rokay Koi
Aur Bikhar Jaun to na mujh ko sametay koi

Kanp uthti hun me ye soch k tanhai me
Mere Chehre pe tera naam na parh le koi

Jis tarha khawab ho gaye mere reza reza
Is tarha se na kbhi tut kay bikhray koi

Me to Is Din se Harasan Hun K Jab Hukam Milay
Khushak Phulon Ko Kitabon me Na Rakhay Koi

Ab To Is Rah Se Wo Shakhas Guzarta Bi Nahi
Ab Kis Umeed Pe Darwazay Se Jhankay Koi

Koi Ahat Koi Awaz Koi Chap Nahi
Dil Ki Galyan Bohat Sunsan Hain Aye Koi