Before Chikito even raise finger for ring, Eka Joy don already bite am 4 times, dash am tribal marks wey im mama forget to give am at birth.
Chikito, go don dey shout with plenty 'fone' 'Gaddamit whachu do that for, don't you know my mother's sister's cousin's neighbor did this 14 years ago and the American Navy and US President blah blah..."
Eka Joy no dey hear that grammar o, e dey pepper am for body no be small, babe just blow nose for knicker land one mighty Ikorodu uppercut for Island babe woodpecker mouth Gboaaaaaa!!!
Island babe Brazilian double closure wig wey she new buy con scatter for crowd land for Emjay side for audience.
As a sharp geh,ever alert, na so Emjay do one kind sharp Okocha dive for the wig,quickly knack am for head unto Ghana weaving, continue dey hail am for ring side as a loyal supporter that she is.
Tension don high everywhere. Hmmm.
Chikito dey shout, 'Give me Ribena, I refuse to continue this fight unless I have a sip of my Ribena...
The Werewolf of Ikorodu con vex, say na drink you con drink abi na fight you con fight?? Jamb Question.
Eye wey dey blink con renewed, na so Werewolf of Ikorodu (WOI) dash am two extra bites for nyash.
Chikito just dey spin round and round for ring like all those oyibo children's toys wey get battery.
Blog Angry Bird con charge again,drag am like national flag foo vooo foo vooo left right left right of the ring, come fling am like old etisalat recharge card for corner GBUAAAAA!!!!!
To God be the glory.
*********
Reigning Champion Eka Joy (WOI) is preparing for her next fight with xhirted P coming up September 21st (wo ti gba penalty aswear)
Make I no forget to tell you say Emjay don commot tey tey with Chikito wig even before the final bell.
We cannot confirm the whereabouts of Chikito, her mechanic Chike, also has no information to give at the time of filing this report.