Ова е накратко резултатот на истражувањето на МКД. МК спроведено овие денови по понудите добиени од извесна. Целата процедура оди вака — на Фејсбук добиваш барање за пријателство од Моника види слика или од некој твој пријател што веќе се закачил, стануваш пријател со неа, и потоа, одвреме-навреме добиваш понуди за еротска масажа. Евтино, само оваа среда, пробај, најдобри масерки... Оставени се три броја од сите три мобилни оператори во Македонија, сите со скапи тарифи се разбира, се јавуваш и почнува неколкудневното договарање за термин. Освен тоа, Моника, или која и да е од онаа страна на линијата, те прашува разни работи, години, име, дали работиш, кое време најмногу ти одговара, па те вика на кафе прво, па ти прифаќаш, па таа вели јави се утре, па утре продолжува истото... Конечно по десетина телефонски разговори, одлагања и секси-замајувања по телефон, закажуваш масажа. Девојката од другата страна на линијата детално ти објаснува какви масажи се нудат — класик ти е голо тело на голо тело, хепи аур ти е рачно или орално или комплет услуга, па ако сакаш со две... И ценовникот — 800 денари само масажа, па сè до 3. Во меѓувреме бројчаникот на телефонот врти, зависи од оператор до оператор, од 23 денари за минута, па сè до 45 денари. Значи, конечно закажуваш, со една резерва дека тие ќе ти се јават на телефонот за да ти кажат точно каде да се упатиш. Едната локација била наспроти Агенцијата за вработување, а другата кај нова железничка станица во Скопје. Интересно е и тоа што девојките ви велат дека истата услуга ја нудат и по други градови од земјава. Значи имаш закажан термин, чекаш да ти се јават, никој не се јавува, вртиш пак на еден од броевите со скапа тарифа, па следуваат неколку објаснувања зошто не можат токму денеска. Добро, велиш, ајде утре. Утре некоја друга ти вели, па нема ништо закажано за овој термин во компјутерот. Ајде, пак презакажуваш за утредента, и сè така во круг... Се обративме до мобилните оператори да ни кажат чии се овие броеви. Сите во еден глас ви велат — деловна тајна, тоа се броеви доделени на правни субјекти, а за нивната употреба или злоупотреба — н. Така пишува во договорите.
